ဘေဘီလုံက သမိုင်းမှာတကယ်ရောရှိရဲ့လား

 မင်္ဂလာပါဗျာ ရန်ထီးနေလချန်နယ်ကနေပြန်လည်ကြိုဆိုလိုက်ပါတယ်။

ငယ်ငယ်ကတည်က ကာတွန်းစာအုပ်တွေ ပုံပြင်စာအုပ်တွေနဲ့ကြီးပြင်းလာတဲ့ Generation တွေအတွက် ကျွန်တော်အခုပြောပြမယ့်စာအုပ်ကို တော်တော်လေးမှတ်မိနေမယ်လို့ထင်ပါတယ်။ ဘေဘီလုံမှ အချမ်းသာဆုံးပုဂ္ဂိုလ် ဆိုတဲ့စာအုပ်ဟာ ကလေးတွေအတွက် ပိုက်ဆံကိုစုဘူးထဲစုတတ်စေတဲ့ အလေ့အကျင့်တွေမွေးဖွားပေးသလို လူကြီးတွေအတွက်လဲကြီးပွားချမ်းသာရေးစာအုပ်တစ်အုပ်ဖြစ်ပါတယ်။ ပုံမှန်တက်လမ်းစာပေတွေနဲ့မတူတဲ့အချက်ကတော့ စာအုပ်ရဲ့အဓိကအကြောင်းအရာတွေကို ပုံပြင်ဇာတ်လမ်းတစ်ခုလိုပြောပြထားတာပဲဖြစ်ပါတယ်။ဒါကြောင့်လဲ စာအုပ်တွေ့တိုင်းပြန်ဖတ်ချင်တဲ့အောင် ဆွဲဆောင်နိုင်စွမ်းရှိတဲ့ စာအုပ်တစ်အုပ်ဆိုတာကို ဖတ်ဖူးသူတိုင်းလက်ခံကြမှာဖြစ်ပါတယ်။ ဆိုတော့ ဒီစာအုပ်ပါတဲ့ ဘေဘီလုံဆိုတာ အမှန်တကယ်ရောရှိရဲ့လား ပုံပြင်တွေထဲကပုံပြင်တစ်ခုပဲလားဆိုတာကို ကျွန်တော်တို့အတူရှာကြည့်ရအောင်ဗျာ

မူရင်းစာအုပ်

ဘေဘီလုံမှအချမ်းသာဆုံးပုဂ္ဂိုလ် ( The Richest Man In Babylon ) ကို အမေရိကန်စာရေးဆရာ Georg Semule . Clason က ရေးသားခဲ့တာဖြစ်ပါတယ်။ အမေရိကန်နိုင်ငံ မစ်ဇူရီပြည်နယ် လူဝီဇီးယားနားမှာ ၁၈၇၄ နိုဝင်ဘာ၇ မှာမွေးဖွားခဲ့ပါတယ်။ အမေရိကန်စစ်တပ်မှာတာဝန်ထမ်းဆောင်ခဲ့ဖူးသူဖြစ်ပြီး တပ်ကထွက်တဲ့အခါမှာတော့ စာပေထုတ်ဝေရေးလုပ်ငန်းမှာဝင်ရောက်လုပ်ကိုင်ခဲ့ပါတယ်။ အမေရိကန်နဲ့ ကနေဒါ ပထမဆုံးသောလမ်းပြမြေပုံတွေကို စတင်ထုတ်ဝေခဲ့ပါတယ်။ အဲနောက်မှာတော့ အောင်မြင်ကြီးပွားရေးနဲ့ တက်လမ်းစာပေတွေရေးသားခဲ့ပါတယ်။ဒီလိုနဲ့ သူရဲ့အပြောင်မြောက်ဆုံးလက်ရာဖြစ်တဲ့ The Richest Man In Babylon ကို ၁၉၂၆ မှာထုတ်ဝေခဲ့ပါတယ်။ မူလစာအုပ်ဟာ စာမျက်နှာ ၁၄၄ ရွက် ပါရှိပါတယ်။ ချွေတာစုဆောင်းရေးနဲ့အောင်မြင်ကြီးပွားရေးကိုအသား‌ပေးရေးသားထားတဲ့ ဒီစာအုပ်ကို ကမ္ဘာအနှံမှာ ဘာသာပေါင်းများစွာက ဘာသာပြန်ထုတ်ဝေကြတဲ့အတွက် စုစုပေါင်းစာအုပ်ရေ  အနည်းဆုံး ၂သန်းကျော်ရှိတယ်လိုသိရပါတယ်။

မက်ဆိုပိုတေးမီးယားဒေသ

 ဆိုတော့ စာအုပ်ထဲမှာပါတဲ့ ဘေဘီလုံအကြောင်းကိုဆက်ရအောင်ဗျာ။ ဘေဘီလုံဆိုတာက မက်ဆိုပိုတေးမီးယား‌ဒေသရဲ့ မြို့ပြနိုင်ငံတစ်ခုဖြစ်ပါတယ်။ မက်ဆိုက အလယ်ပိုင်းလို့အဓိပ္ပါတယ်သက်ရောက်တာဖြစ်ပြီး ယနေ့ခေတ်မှာတော့ မက်ဆိုပိုတေးမီးယားကို အီရတ်,ကူဝိတ်,တူရဂီနဲ့ ဆီးရီးယားနိုင်ငံတွေ အဖြစ်မြင်ရမှာဖြစ်ပါတယ်။ ဘေဘီလုံဟာ ခရစ်တော်မပေါ်ခင် နှစ်ပေါင်း ၂၃၀၀ လောက်ကတည်ရှိခဲ့တာဖြစ်ပြီးတော့ နေရာအတိအကျဆိုရင် ယနေ့အီရတ်နိုင်ငံမြို့တော် ဘက္ကဒတ်ရဲ့တောင်ဘက် မီုင်၅၀ အကွာမှာတွေ့ရမှာဖြစ်ပါတယ်။

သမိုင်းကို ရှာဖွေကြည့်တဲ့အခါ ကျွန်တော်တို့နဲ့ရင်းနှီးပြီးသားဖြစ်တဲ့ ဥပဒေတစ်ခုကိုလည်းတွေ့ရပါတယ်။ မျက်လုံးတစ်လုံးအတွက် မျက်လုံးတစ်လုံး နားတစ်ဖက်အတွက်နားအဖက် အလျော်ပေးရမယ်ဆိုတဲ့ ကိုဓ ဥပဒေဟာ ၁၇၉၂ ဘီစီကနေ ၁၇၅၀ ဘီစီထိ ဘေဘီလုံကိုအုပ်ချုပ်ခဲ့တဲ့ ဟမ်မူရာဘီဘုရင်ကြီကချမှတ်ခဲ့တာဖြစ်ပါတယ်။ဟမ်မူရာဘီဘုရင်ကြီးလက်ထက်မှာ တိုင်းပြည်ဟာ အလွန်ချမ်းသာကြွယ်ဝပြီး အတတ်ပညာတွေတိုးတက်လာခဲ့ပါတယ်။ဒါပေမယ့် ဘုရင်ကြီးကွယ်လွန်သွားတဲ့အခါမှာ တိုင်းပြည်ဟာ အုပ်ချုပ်မှု့ယို့ယွင်းပြီး တစစီကွဲကုန်ပါတယ်။

ဟမ်မူရာဘီဘုရင်ကြီး

သမိုင်းမှာ နောက်ထပ်ထင်ရှားတဲ့ ဘေဘီလုံကတော့ ဘီစီ ၆၀၉ ကနေ  ၅၃၉ ဘီစီရှိခဲ့တဲ့ Neo – Babylonian အင်ပါယာဖြစ်ပါတယ်။ ဘေဘီလုံဟာလူဦးရေ  ၂သိန်းရှိတဲ့ပထမဆုံးမြို့တော်ဖြစ်တယ်လို့ သမိုင်းသုတေသီတွေကဆိုကြပါတယ်။ဆောက်လုပ်မှု့အင်ဂျင်နီယာအတတ်ပညာတွေထွန်းကားခဲ့ပါတယ်။စာအုပ်ထဲမှာ ရေးသားထားတဲ့မြို့ရိုးကြီးဟာ ပေ၁၆၀ကျော် ယနေ့ခေတ်မှာ တစ်ငါးထပ်တိုက်လောက်အမြင့်ရှိပြီး  မြို့ရိုးပေါ်မှာ မြင်းခြောက်ကောင်ရင်ဘောင်တန်းမောင်းလို့ရတယ် လို့ဖော်ပြထားပါတယ်။ကမ္ဘာ့အံဖွယ် ၇ပါးထဲမှာ ဘေဘီလုံမှာရှိတဲ့ Hanging Garden Of Babylon ဟာ သမိုင်းတလျောက်အလှပဆုံးဥယျဉ်တစ်ခုအဖြစ် မှတ်တမ်းတင်ထားတာကိုတွေ့ရမှာဖြစ်ပါတယ်။

Hanging Gardens Of Babylon

မြစ်ရေကို ဆည်မြောင်းဖောက်ပြီးရေသွင်းစိုက်ပျိုးတဲ့စနစ်၊ နတ္ခတ်ပညာ၊သင်္ချာပညာရပ်,တွေအပြင် ငွေကြေးနဲ့စာချုပ်စာတမ်းတွေကို အစောဆုံးအသုံးပြုခဲ့တယ်လို့ တူးဖော်ရရှိတဲ့ သမိုင်းအထောက်အထားတွေက ဖော်ပြလျက်ရှိပါတယ်။

ဒီလိုကြီးကျယ်ခန်းနားတဲ့ ဘေဘီလုံဟာ ဘီစီ ၅၃၉ ရောက်တဲ့အခါမှာတော့ ပါရှားအင်ပါယာယနေ့ အီရန်ကသိမ်းပိုက်လိုက်တဲ့အခါမှာ မြေကြီးအောက်ကိုတူးရှာရတဲ့အထိ သမိုင်းစာမျက်နှာကနေ စုတ်ဖြဲခံလိုက်ရပါတယ်။

အခုကျွန်တော်ပြောပြခဲ့တာကတော့ ဘေဘီလုံရဲ့သမိုင်းပဲဖြစ်ပါတယ်။ ဒီနေရာမှာတစ်လက်စတည်း စာအုပ်ထဲမှာပါတဲ့ ဘယ်လိုကြွယ်ဝချမ်းသာလာအောင်လုပ်ရမလဲ နည်းဥပ‌ဒေသ ၇ရပ်နဲ့ ရွှေဥပဒေသ၅ရပ်တို့ကို ဖော်ပြပေးလိုက်ပါတယ်။

အမျိုးတွေငွေကြေးအခက်အခဲကလွန်မြောက်ပြီး ချမ်းသာကြွယ်ဝပါစေဗျာ

ကြည်ရှု့ပေးတဲ့အတွက်အားလုံးကို‌ကျေးဇူးတင်ပါတယ်။

အပြည့်အစုံကို Video တွင်ကြည့်ရှု့နိုင်ပါသည်။

Video ကြည့်ရှု့ရန်