M-249 အမေရိကန်ကွန်မန်ဒိုတပ်ဖွဲ့တွေမှာ မဖြစ်မနေတပ်ဆင်ထားတဲ့လက်နက်

 PUBG မှာ Player တွေရဲ့  battle အာရုံစူးစိုက်မှု့ကို ရယူတဲ့အနေနဲ့ Air Drop တွေကိုထည့်သွင်းခဲ့တာဖြစ်ပါတယ်။ Classic ပွဲတွေထဲမှာ ကျည်အများဆုံးတဆက်တည်းပစ်လို့ရတဲ့ တစ်ခုတည်းသောလက်နက်ကတော့ ကျွန်တော်တို့ အတောင့်တစ်ရာလို့ အတိုခေါ်ကြတဲ့ M249 တစ်လက်ပဲရှိပါတယ်။ ကျည်များများဆန့်တဲ့လက်နက်တွေရဲ့ အဓိကအားနည်းချက်တစ်ခုဖြစ်တဲ့ ကျည်ပြန်ဖြည့်ရတာကြာတယ်ဆိုတဲ့ အချက်ကို ဒီလက်နက်မှာမဖြစ်မနေတွေ့ရမှာဆိုပေမယ့် သူ့ရဲ့ အားသာချက်ကပဲ ဒီအချက်ကို အကောင်းဆုံးကာကွယ်ထားနိုင်ပါတယ်။

အနီးကပ်မှာ ခန္ဓာကိုယ်အပေါ်ပိုင်းကို Aiming ထားပစ်လေ့ရှိတဲ့ Pro Player တွေလက်ထဲမှာသာဆိုရင် ဘာကျည်မှဖြည့်စရာမလို ဘာသေနတ်မှပြောင်းကိုင်စရာမလိုပဲ တဆက်တည်း ရန်သူ ၃,၄ ယောက်ကို တန်း knockout ဖြစ်သွားနိုင်စေသလို ကားချင်းBattle ဆိုင်တဲ့နေရာမှာ M249 ပါလာတဲ့ကားကတော့ တစ်ဖက်ရန်သူရဲ့ကားကို ဖျက်ဆီးဖို့အခွင့်အရေးပိုများတာပဲဖြစ်ပါတယ်။ ဂိမ်းအကြောင်းပြောလို့ပြီးသွားပြီဆိုတော့ အပြင်ကM249 ရဲ့နောက်ခံသမိုင်းကို လေ့လာကြည့်ရအောင်ရအောင်ဗျာ

ရှေ့တန်းစစ်မျက်နှာပြင်တွင် M249 တပ်ဆင်ထားသောစစ်သည်

အပေါ့စား စက်သေနတ်ဖြစ်တဲ့ M249 ရဲ့ စစ်သုံးအခေါ်ကတော့ M249 Squad Automatic Weapon ( M249 SAW ) ပဲဖြစ်ပါတယ်။ မူလထုတ်လုပ်ခဲ့တာကတော့ ဘယ်ဂျီယံလက်နက်ကုမ္မဏီတစ်ခုဖြစ်တဲ့ FN Herstal ကပဲဖြစ်ပါတယ်။ PUBG မှာပါတဲ့ ScarL ကိုလည်း ဒီကုမ္မဏီကပဲ ထုတ်လုပ်ခဲ့တာဖြစ်ပါတယ်။ ၁၉၇၀နောက်ပိုင်းမှာ Design ဆွဲခဲ့ပြီး၁၉၇၄ မှာစတင်အသုံးပြုခဲ့တဲ့ FN Minimi ပေါ်မှာ M249 ကို အခြေခံတည်ဆောက်ထားတာပဲဖြစ်ပါတယ်။ FN Herstal ဟာ နောက်ပိုင်းမှာ South Carolina ကိုပြောင်းရွှေ့ပြီး FN Manufacturing ဆိုပြီး အမေရိကန်စစ်တပ်အတွက် လက်နက်တွေ ထုတ်လုပ်ပေးခဲ့ပြီး M249 သည်လည်းတစ်ခုအပါအဝင်ဖြစ်ခဲ့ပါတယ်။

အီရတ် စစ်မျက်နှာတွင် M249 ကိုင်ထားသောအမေရိကန်စစ်သား

M249 မပေါ်ခင် ၁၉၆၅ မှာ အမေရိကန်စစ်တပ်ဟာ အဓိကစက်သေနတ်အဖြစ် M2 Browning တွေကို အသုံးပြုခဲ့ကြတာဖြစ်ပါတယ်။ အတိုင်းအတာတစ်ခုအထိ အဆင်ပြေနေတာဆိုပေမယ့် တပ်ဆင်ပစ်ခတ်ဖို့စစ်သည်တစ်ဦးထပ်ပိုလိုအပ်ခြင်း၊ ရွေ့ပြောင်းရခက်ခဲခြင်း၊ တိကျစွာပစ်ခတ်ဖို့အားနည်းခြင်းစတာတွေအပြင် အရင်ခေတ်နဲ့မတူပဲ တပ်ရင်းကြီးတွေအလိုက် တိုက်ပွဲဖြစ်ပွားတာကို ရှောင်ပြီး အထူးလက်နက်တွေတပ်ဆင်ထားတဲ့ တပ်စုတွေနဲ့ လျင်မြန်စွာ စစ်ကစားနိုင်ဖို့အတွက် အမေရိကန်အစိုးရဟာ လက်နက်အဟောင်းတွေကို ပြောင်းလဲတပ်ဆင်ဖို့ ပြင်ဆင်လာခဲ့ပါတယ်။

M249 ကိုတော့ ၁၉၈၄ ကနေစတင်ထုတ်လုပ်တာဖြစ်ပါတယ်။ တပ်စုတွေမှာ လိုအပ်နေတဲ့ ဖျက်ပြင်းအားကောင်းပြီး ပစ်မှတ်ကို တိကျစွာ ပစ်ခတ်နိုင်ခြင်း သယ်ယူရလွယ်ကူခြင်း စတဲ့ရည်မှန်းချက်တွေနဲ့  M249 တွေကိုဖန်တီးခဲ့ခြင်းဖြစ်ပါတယ်။

M249 SAW အနီးကပ်တွေ့ရပုံ

လက်နက်ကိုကြည့်မယ်ဆိုရင် ၅.၅၆ NATO ကျည်တစ်မျိုးတည်းကိုသာအသုံးပြုတာဖြစ်ပြီး အရှည်အနေနဲ့ကတော့ လက်မ၄၀ကျော် ၃ပေနဲ့ ၄လက်မကျော်ရှည်တာဖြစ်ပါတယ်။ အလေးချိန်ကတော့ ကျည်မဖြည့်ထားရင် ၁၇ ပေါင် ကျည်ပါရင် ၂၂ပေါင်လေးတာဖြစ်ပါတယ်။

Rate of Fire တော့ Rapid စနစ်နဲ့ဆိုရင် တစ်မိနစ်ကို round ၂၀၀ , sustained ပုံစံနဲ့ဆို တစ်မိနစ်ကို ၁၀၀ round ထိထွက်ပါတယ်။

Effective Fire Range ကတော့ မီတာ ၈၀၀ အတွင်း ပစ်မှတ်ကို ကောင်းစွာသက်ရောက်မှာဖြစ်ပါတယ်။

အမေရိကန်တပ်များပြောင်းရွှေ့နေပုံ

M249 တွေကို တပ်ဆင်သုံးစွဲတဲ့နိုင်ငံတွေကတော့ ထိုင်း၊ မလေးရှား၊ ဟန်ဂေရီ၊ ဘင်္ဂလာဒေ့ရှ်အပါအဝင် နိုင်ငံပေါင်း ၁၂နိုင်ငံမှာ တပ်ဆင်သုံးစွဲလျက်ရှိပါတယ်။

အများဆုံးအသုံးပြုပြီးတိုက်ခိုက်ခဲ့တဲ့စစ်ပွဲတွေကတော့ ပနားမားအရေးအခင်း၊ အီရတ်စစ်ပွဲနဲ့ ဆီးရီးယားပြည်တ္ငင်းစစ်တို့ပဲဖြစ်ပါတယ်။

Video ဖြင့်ကြည့်ရှု့လိုပါက

YHNL ( ရန်ထီးနေလ )

ကျွန်တော့ရဲ့ Yan Htee | Nay La Blog မှာ  ရန်ထီးနေလ Facebook Page နဲ့ You Tube channel ရှိပါတယ် Blog မှာမတင်ရသေးတဲ့ အပိုင်းတွေကို You Tube မှာအရင်တင်ပေးထားပါတယ်။