ဒုတိယကမ္ဘာစစ်နှင့် သဲကန္တာရတိုက်ပွဲများ - ၂

 တင့်ကားတိုက်ပွဲများ

ဂျာမန်တို့၏ တိုဘရွတ်ခ် ထိုးစစ်မှာ အောင်မြင်မှု့ မရရှိဘဲ ခံစစ်အဆင့်တွင်သာရပ်တန့်ခဲ့ရသည်။ မေလကုန်တွင် အာချီဘောဝေဗဲလ်၏ ဗြိတိသျှတပ်များသည် ဂျာမန်တို့ကို ပြန်လည်တိုက်စစ်ဆင်ခဲ့သော်လည်း မအောင်မြင်ခဲ့။ ဇွန်လလည်တွင် စစ်ပုဆိန် အမည်ဝှက်ဖြင့် ပိုမိုအင်အားကောင်းသော ထိုးစစ်ကိုဆင်ပြန်သည်။ ထို့ကြောင့် ကာပူဇို နှင့် ဆီဒီအိုမာ ဝန်းကျင်တွင် တင့်ကားတိုက်ပွဲများ အကြီးအကျယ်ဖြစ်ပွားခဲ့သည်။ ဂျာမန်တို့သည် ထိုတိုက်ပွဲတွင် အထိနာခဲ့ပြီး  တင့်ကားအများအပြားဆုံးရှုံးခဲ့သည်။ သို့သော် ရွန်းမဲလ်၏ခေါင်းဆောင်မှု့အောက်တွင် အမှတ်၇ သံချပ်ကာတပ်မဖြင့် ဆက်လက်တိုက်ပွဲဝင်ခဲ့ရာ အောင်မြင်မှု့ရခဲ့သည်။ ဆီဒီအိုမာတောင်ပိုင်းတွင် ဗြိတိသျှတင့်ကားများသည် ဂျာမန်တို့၏ ၈၈မီလီမီတာ အမြောက်ဒဏ်ကို မခံနိုင်ဘဲ အဆုံးအရှုံးများစွာဖြင့် ဆုတ်ခွာသွားခဲ့ရသည်။

ဂျာမန်ပန့်ဇာတင့်ကား

ထိုတိုက်ပွဲတွင် တင့်ကားစီးရေပိုများသောဗြိတိသျှတို့ကို ဂျာမန်တို့က အနိုင်တိုက်ခဲ့ခြင်းဖြစ်သည်။ ဗြိတိသျှတို့သည် တင့်ကား၇၅၆စီး အသုံးပြုခဲ့ပြီး တင့်ကားများစွာအရန်ထားရှိသည်။ဂျာမန်နှင့် အီတလီတို့တွင် တင့်ကားစုစုပေါင်း၅၆၉စီးသာရှိသည်။ဂျာမန်တို့က တင့်ကား၏သံချပ်ကာထူထဲမှု့နှင့် ပစ်အားကောင်းမှု့တို့ကို အဓိကထားအနိုင်ယူတိုက်ခိုက်သွားခြင်းဖြစ်သည်။

ရွန်းမဲလ်သည် ထိုတိုက်ပွဲတွင် သူ၏သဲကန္တာရ ကျွမ်းကျင်မှု့ကို ထုတ်ဖော်ပြသနိုင်ခဲ့သည်။ တပ်မှူးတစ်ယောက် အနေနဲ့ ရန်သူ၏အမှားကိုအခွင့်ကောင်းယူကာ မိမိ၏အမှားကိုပြင်ဆင်နိုင်ခဲ့သည်။ထို့ကြောင့် ရွန်းမဲလ် သည် ဗြိတိသျှတင့်ကားများနှင့် ရင်ဆိုင်တိုက်ခိုက်ရာတွင် အတွေ့အကြုံအများဆုံးနှင့် အရက်စက်ဆုံးစစ်ဗျူဟာများခင်းကျင်းသော ဂျာမန်ပန့်ဇာတပ်မှူးဖြစ်လာခဲ့သည်။

တပ်မှူးပြောင်းလဲခြင်း

တိုဘရွတ်ခံတပ်အတွင်းမှ ခုခံနေသောတပ်များနှင့် သိမ်းပိုက်ရန်ကြိုးစားနေသောတပ်များအားလုံးပင် ပူပြင်းသောနွေရာသီဒဏ်ကို ခံစားရသည်။ရှေ့တန်းခံစစ်မှ မဟာမိတ်တပ်ရင်း၈ခုသည် ဝန်းရံပိတ်ဆို့ထားသော အီတလီတပ်မ၄ခုနှင့် ဂျာမန်တပ်ရင်း၃ရင်းတို့ကို ရင်ဆိုင်နေကြရသည်။

ဒုတိယကမ္ဘာစစ်နှင့် သဲကန္တာရတိုက်ပွဲများ

ဂျာမန်ပန့်ဇာတင့်ကားများအနက် ၇၀မှာ မာခ်၂ အမျိုးအစားများဖြစ်ကြပြီး အကြီးစားအမြောက်များတပ်ဆင်ထားသည်။ ထိုကြောင့်တင့်ကားခြင်းတိုက်ရသော တိုက်ပွဲများတွင် ပါဝင်နိုင်ခြင်းမရှိဘဲ ကင်းထောက်ခြင်း ပစ်ကူပေးခြင်းတို့ကိုသာထမ်းဆောင်ရသည်။ တခြားအမျိုးအစားအနေနဲ့ မာခ်၄ အမျိုးအစား ၃၅စီး မာခ်၃ အမျိုးအစား ၁၃၉ စီးအသီးသီးပါဝင်သည်။ မာခ်၄ အမျိုးအစားတင့်ကားမျာသည် ၇၅ မီလီမီတာအမြောက်တပ်ဆင်ထားပြီး ခြေလျင်တပ်ရင်းများအတွက် ထိရောက်သော ပစ်အားအကူအညီပေးသောကြောင့် ဗြိတိသျှတို့ အကြောက်ဆုံးတင့်ကားအမျိုးအစားတစ်မျိုးဖြစ်သည်။ မာ့ခ်၃တွင် ၅၀ မီလီမီတာ အမြောက်များတပ်ဆင်ထားခြင်းဖြစ်သည်။

ရွန်းမဲ၏ဂျာမန်တပ်များသည် ဩဂုတ်လအတွင်းထောက်ပံရေးပစ္စည်း ၃၅% မြေထဲပင်လယ်အတွင်းနှစ်မြှပ်ခြင်းခံရသည်။  နောက်ပိုင်းတွင် ထောက်ပံ့ရေးပစ္စည်းဆုံးရှုံးမှု့မှာ၇၅% အထိမြင့်တက်လာခဲ့သည်။ အောက်တိုဘာလတွင် လစ်ဗျားသို့ကုန်ပစ္စည်း တန်ချိန် ၅၀၀၀၀တင်ပို့သည့်အနက် တန်ချိန်၁၈၅၀၀ သာရည်မှန်းချက်သို့ရောက်ခဲ့သည်။ သို့သော်ရွန်းမဲလ်သည် ထောက်ပံ့ရေးအခြေအနေကောင်းလာသည်နှင့် ထိုးစစ်ဆင်ရန် စီစဉ်ထားသည်။ ထိုအချိန်တွင် မဟာမိတ်တပ်မှူးဝေဗလ်၏နေရာတွင် ဗိုလ်ချုပ်ကြီးကလော့ဒီအာချင်းလက်က ပြောင်းလဲတာဝန်ထမ်းဆောင်ခဲ့သည်။

ဗြိတိသျှတို့၏တန်ပြန်ထိုးစစ်

ဗြိတိသျှတို့သည် ၁၉၄၁ နိုဝင်ဘာ၁၈တွင် ရန်သူများ၏အငိုက်ဖမ်းထိုးစစ်ဆင်ခဲ့ရာ မက်ဒါလီနာအနီးတွင် တိုက်ပွဲပြင်ထန်စွာဖြစ်ပွားခဲ့သည်။ထိုတိုက်ပွဲမှာ စစ်သမိုင်းတွင် ထင်ရှားသော တင့်ကားတိုက်ပွဲကြီးဖြစ်သည်။

ဒုတိယကမ္ဘာစစ်နှင့် သဲကန္တာရတိုက်ပွဲများ

တင့်ကားပေါင်း၁၀၀၀ကျော်သည် လေတပ်၏အနီးကပ်ပစ်ကူပေးမှု့နှင့် အမြောက်တပ်၏ပစ်အားကို အကူအညီရယူကာ တဟုန်ထိုးတိုက်ပွဲဝင်ခဲ့ကြသည်။ ဗြိတိသျှဘက်မှ မာတီလ်ဒါနှင့် ဗလ်လင်တင်း အမျိုးအစားအကြီးစားတင့်ကားမျာကို အသုံးပြုခဲ့ကြသည်။ဗြိတိသျှတင့်ကားများမှာ ဂျာမန်မာခ်၃ တင့်ကားမျာထက်ခံနိုင်ရည်သာလွန်ကာသည်။ နိုဝင်ဘာ၁၉တွင် ဗြိတိသျှတပ်များ တိုဘရွတ်ခ် အရှေ့တောင်ဘက်ရှိ ဆီဒီရဇက်ကို သိမ်းပိုက်နိုင်ခဲ့သည်။

ရွမ်းမဲလ်သည်အမှတ် အမှတ်၂၁ ပန့်ဇာတပ်မကို အရှေ့ဘက်မှတိုက်ပွဲဝင်ရန်နှင့် အမှတ်၁၅ ပန့်ဇာတပ်မကိုအနောက်ဘက်မှတိုက်ပွဲဝင်ရန် အမိန့်ပေးခဲ့သည်။ သို့ဖြင့် နိုဝင်ဘာ၂၃တွင် ဗြိတိသျှတို့၏စစ်ဆင်ရေးများပြီးဆုံးသွားပြီဂ ဆီဒီရဇက်ကို ဂျာမန်များပြန်လည်ရရှိခဲ့သည်။

YHNL ( ရန်ထီးနေလ )- နိုင်ငံတကာရေးရာ

ဒုတိယကမ္ဘာစစ်နှင့်သဲကန္တာရတိုက်ပွဲများ - ၁

ဒုတိယကမ္ဘာစစ်နှင့်သဲကန္တာရတိုက်ပွဲများ - ၃

ကျွန်တော့ရဲ့ Yan Htee | Nay La Blog မှာ  ရန်ထီးနေလ Facebook Page နဲ့ You Tube channel ရှိပါတယ် Blog မှာမတင်ရသေးတဲ့ အပိုင်းတွေကို You Tube မှာအရင်တင်ပေးထားပါတယ်။