အဓိကအနေနဲ့ ကိုယ့်ကိုယ်ကိုယ် ယုံကြည်မှု့တည်ဆောက်ရာမှာ အမှားကိုရှောင်ပြီး မှန်တာကိုလုပ်ဖို့လည်းပါဝင်ပါတယ်။ "လှုပ်ရှားမှု့တိုင်းဟာအတွင်းစိတ်အုံကြွမှု့ရဲ့ ပြယုဒ်နိမိတ်တွေပါပဲ"လို့ စိတ္တဗေဒပညာရှင်တွေကဆိုတယ်။ လှုပ်ရှားမှု့ သို့မဟုတ် လုပ်ရပ်တွေကို ကြိုတင်ဆင်ခြင်ဖို့ကလွဲပြီး နောက်မှထိန်းချုပ်မယ်၊ ပြင်ဆင်မယ် လုပ်လို့မရတော့ပါဘူး။ မကောင်းတာဖြစ်ဖြစ်၊ ကောင်းတာဖြစ်ဖြစ် အစရှိအနောင်နောင်ဆိုသလို အထုံအကျင့်ပါသွားတတ်ပါတယ်။ ကောင်းတဲ့အမူအကျင့်တွေကို စွဲမြဲအောင်လုပ်ယူရပါမယ်။ ကိုယ်ကမြင့်မားချင်ရင် ပျော့တိပျော့ခွေရပ်မယ့်အစား မားမားမတ်မတ်ရပ်နေရပါမယ်။ ကိုယ်ခန္ဓာလှုပ်ရှားမှု့တွေကိုထိန်းခြင်းဖြင့် အတွင်းစိတ်အုံကြွမှု့ကိုပြောင်းလဲပစ်နိုင်ပါတယ်။
 |
| ရှေ့တန်းမှာနေရာယူပါ |
၁။ရှေ့တန်းမှာနေရာယူပါ
အစည်းအဝေးတွေ,ဘုရားကျောင်းတွေ,သင်တန်းတွေစတဲ့ လူစုလူဝေးရာတွေမှာ နောက်တန်းတွေသာ လူတွေပြည့်နေတတ်ပါတယ်။ အဲဒါဘာကြောင့်ပါလိမ့်။ သူတို့ကိုယ်သူတို့ ထင်ထင်ပေါ်ပေါ် မဖြစ်စေချင်လို့ ပုန်းလျှိုးနေတဲ့ သဘောပါပဲ။ အကြောင်းရင်းက"သူတို့ကိုယ်သူတို့ ယုံကြည်မှု့အားနည်းစွာနဲ့ လူသိထင်ရှား မျက်နှာပြရမှာကြောက်လို့" ဆိုတဲ့အဖြေထွက်ပါတယ်။
ခင်ဗျားအနေနဲ့တက်နိုင်သမျှ ရှေ့တန်းကနေရာယူပြီး ကိုယ့်ကိုယ်ကိုယ် ယုံကြည်မှု့မြှင့်တင်ပါ။ ခုအချိန်ကစပြီး "ငါရှေ့တန်းကနေမယ်"လို့စည်းကမ်းချမှတ်လိုက်ပါ။ဒါအောင်မြင်မှု့ကိုရယူပြသတဲ့ အထိမ်းအမှတ် မဟုတ်တာတော့ သတိပြုပေါ့။
 |
| မျက်လုံးချင်းဆုံကြည့်ဖို့လေ့ကျင့်ပါ |
ဒီတော့ယုံကြည်ရဲဝံ့ စိတ်ချရမှု့တွေကိုပြသတဲ့အနေနဲ့ မျက်လုံးချင်းဆုံကြည့်နိုင်အောင် ကြိုးစားလေ့ကျင့်ပြီး၊ ကြောက်စိတ်ကိုဖျောက်ပစ်ပါ။တခြားလူရဲ့မျက်လုံးထဲကို စိုက်ကြည့်လိုက်တာဟာ "ငါကရိုးသားတယ်" " မင်းပြောတာ ငါလက်ခံတယ်" "ငါမကြောက်တတ်ဘူး" " ငါ့မှာယုံကြည်မှု့အပြည့်ဝရှိတယ်လို့ပြောလိုက်တာပါပဲ။
 |
| ၄ပုံတစ်ပုံ အမြန်နှုန်းထပ်တင်ပြီး လျှောက်ပါ |
၃။၄ပုံတစ်ပုံ အမြန်နှုန်းထပ်တင်ပြီး လျှောက်ပါ
ပုံပန်းမကျ ကိုးရိုးကားရား ယိုင်တိယိုင်တိုင်နဲ့ နှေးနှေးကွေးကွေးလျှောက်သူတွေဟာ သူတို့ရဲ့စိတ်အခြေအနေ၊ အလုပ်အကိုင်တွေကို ပုံဖော်ပြတာပဲလို့ စိတ်ပညာရှင်တွေကဆိုပါတယ်။ တစ်ဆက်တည်းမှာ ကိုယ်နေဟန်ထား၊ သွားပုံလာပုံနဲ့တွေနဲ့ အရှိန်နှုန်းကိုပြလိုက်ခြင်းအားဖြင့် စိတ်ဓာတ်ကိုလည်းပြင်ပြီးသွားဖြစ်သွားတယ်လို့ အကြံပေးပါတယ်။ သေချာစောင့်ကြည့်မယ်ဆိုရင် ကိုယ်ခန္ဓာလှုပ်ရှားမှု့တွေဟာ စိတ်လှုပ်ရှားမှု့ရဲ့ အကျိုးဆက်မှန်းသိသာပါတယ်။
သွားလက်စထက်၄ပုံ၁ပုံမြန်အောင်လျှောက်တာက ယုံကြည်မှု့အားကိုတွန်းပေးရာရောက်ပါတယ်။ ခေါင်းကိုမော့ ရင်ကိုကော့ ခါးကိုမတ်ပြီး မြန်မြန်သွက်သွက်လေးလျှောက်ကြည့်လိုက်ပါ၊ ကိုယ့်ကိုယ်ကိုယ် ယုံကြည်မှု့တွေတိုးများလာပါလိမ့်မယ်။
 |
| စကားပြောလေ့ကျင့်ပါ |
လူတန်းစားပေါင်းစုံနဲ့ တွေ့ဆုံလုပ်ကိုင်ရာမှာ စကားပြောခြင်းဟာ မရှိမဖြစ်လိုအပ်တဲ့ ဆက်သွယ်ရေးလမ်းကြောင်းပါပဲ။ အခြေခံအားဖြင့် စကားပြောကောင်းဖို့ထက် နှုတ်သွက်ပြီး ရေလည်အောင် ပြောတတ်ဖို့ အရေးကြီးပါတယ်။ ဆွေးနွေးပွဲတွေမှာ ထစ်ထစ်ငေါ့ငေါ့ တောင်တစ်ခွန်းမြောက်တစ်ခွန်းဖြစ်နေတဲ့သူတွေဟာ ကိုယ့်ကိုကိုယ်ယုံကြည်မှု့အားနည်းတဲ့လူတွေပါပဲ။ တွေ့ရာနေရာမှာ ရတဲ့အခွင့်အရေးကို အသုံးချပြီး ပြောရဲဆိုရဲအောင်လေ့ကျင့်ရင်းက ယုံကြည်မှု့တွေ အားကောင်းလာပါတယ်။ နောက်ထပ်ပွဲတိုးဖို့ဝင်မလေးတော့ပါဘူး။ဒါကြောင့် ပွဲကြီးတွေမဝင်ခင်မှာ စကားဝိုင်းငယ်လေးတွေမှာ စလေ့ကျင့်ပါ။ စကားဟာ ယုံကြည်မှု့တည်ဆောက်တဲ့နေရာမှာ အားဆေးတစ်လက်ပါ။
 |
| အားရပါးရ လှိုက်လှိုက်လှဲလှဲပြုံးပါ |
၅။အားရပါးရ လှိုက်လှိုက်လှဲလှဲပြုံးပါ
အပြုံးဆိုတာ လူချစ်လူခင်ပေါတဲ့ဆေးတစ်လက်ပါ။ယုံကြည်မှု့ဖလှယ်ရာမှာ အပြုံးဟာ လက်နက်တစ်ခုပဲ။ အားရပါးရပြုံးတာဟာ စိတ်သောကကို ပျောက်စေတယ်၊ ကြောက်စိတ်တွေကို အနိုင်ယူနိုင်တယ်၊ စိုးရိမ်စိတ်ကိုဖယ်ရှားပြီး စိတ်ဓာတ်ကျ ဝမ်းနည်းတာကို ကုသပေးနိုင်ပါတယ်။
လျော့ရဲလျော့ရဲ မပြုံးချင်ပြုံးချင်တော့ မပြုံးပါနဲ့။ လှိုက်လှိုက်လှဲလှဲ စိတ်ပါလက်ပါပြုံးတာဟာ ကိုယ့်ကိုယ်တိုင်လည်းယုံကြည်မှု့အာတိုးလာစေပြီးတော့ တဖက်လူကိုလည်းလွှမ်းမိုးမှု့သက်ရောက်စေပါတယ်။
ညီညီနိုင် - တိမ်မြင့်စံအတွေးများ၏ အံဖွယ်တန်ခိုး
YHNL ( ရန်ထီးနေလ )
ကျွန်တော့ရဲ့ Yan Htee | Nay La Blog မှာ ရန်ထီးနေလ Facebook Page နဲ့ You Tube channel ရှိပါတယ် Blog မှာမတင်ရသေးတဲ့ အပိုင်းတွေကို You Tube မှာအရင်တင်ပေးထားပါတယ်။